Transcription
1
Monseigneur, dernièrement je receu une lettre quil pleust
2
à vostre segnorie mescripre du XVII julhet, estant fort
3
marry de ce que messieurs les Henry ne vous avoyent
4
faict deslivrer largent que leur avoys remis du
5
neufviesme juing, mais ilz me dirent quilz entandoyent
6
que monsieur le tresorier lavoit desjà deslivré. Hyer je
7
fus à Lyon voyr monsieur de Laval, lequel la Dieu grâce,
8
va tousjours en meliorant de sa santé. Ledit jour au
9
matin, il montat sur la petite mulle pour prandre lair.
10
Il est encor ung peu foyble, dequoy ne fault estre
11
esbey pour avoyr heu une si grand fièvre et soy estre
12
si bien purgé, non par medecines, mais par nature de son
13
seul movement, luy a esté la plus favorable quil
14
est possible. Dans troys ou quatre jours, il sortirat
15
de Lyon pour prandre le bon air et sera incontiant
16
ranforcé. Je croy quavés esté adverty que vous
17
rantiers de Bully ont remis chez messieurs les Henry
18
troys centz livres. Je croy que si faictes cercher leur
19
comte, quilz doibvent davantage. Monsieur de La
20
Colombière, passant icy vandredy, me dit mavoyr escrit
21
une lettre et pour ce questoys absent, la luy randirent,
22
de sorte quil la tirat de sa poche et la me bailhat,
23
me demandant cinquante escus en vostre nom ; et pour ce que
24
ne men aviés escript, luy dis que le vous feroys entandre,
25
lequel me dit que vous envoyasse ladite lettre ; quant
26
à vous affaires de par deça, la Dieu grace, sont
27
en bon estat ; et en tout ce quil vous plaira me
28
commander, vous hobeyrey dune aussi bonne volanté comme
29
je prierey Dieu
30
Monseigneur, donner à vostre segnorie, en très parfaicte santé, longue
31
et heureuse vie. De St-Saphorin, ce X daoust 1572
32
De vostre très humble et très hobeyssant à
33
jamais serviteur
34
Yvonet